Öryggi er veigamikill þáttur í starfsemi Hópbíla. Árið 2014 var innleitt vottað öryggisstjórnunarkerfi samkvæmt alþjóðlegum staðli ISO 45001. Ávallt er unnið markvisst í að efla öryggi og heilsu starfsmanna jafnt sem farþega og hefur öryggisvitund fest sig vel í sessi hjá okkar starfsmönnum. Öryggisbelti eru í hverju sæti í öllum okkar bílum. Allir bílar eru ávallt útbúnir með tilliti til aðstæðna og síðast, en ekki síst, má nefna að allir bílar fara í reglubundið eftirlit á verkstæði okkar.

UMHVERFISMÁL eru mikilvægur þáttur í stefnumörkun og starfsemi Hópbíla. Árið 2003 var félagið með fyrstu fyrirtækjum á Íslandi til að innleiða vottað umhverfisstjórnunarkerfi samkvæmt alþjóðastaðlinum ISO 14001. Hópbílar aka einnig á Bíódísil sem mengar minna og smyr mun betur en venjuleg dísilolía. Árlega er gefin út sérstök umhverfisskýrsla sem lýsir frammistöðu og árangri fyrirtækisins í umhverfismálum.